DAVAO CITY – Pipila ka oras una gipatuman ang suspension sa retrieval operations, narekober ang usa sa 3 ka individual nga na missing human sa landslide nga natigayon sa Mati City, Davao Oriental.
Sumala sa Mati City Disaster Risk Reduction and Management Office (CDRRMO), tulo ka oras una ipatuman ang indefinite suspension sa retrieval operations, nakalutan sa mga residente ang patay’ng lawas sa usa sa mga missing sa Purok Sangay, Barangay Don Salvador Lopez.
Alayon niini laing duha ka biktima na ang narekober sa otoridad gikan sa upat ka tawo nga namatay sa pagdahili sa yuta niadtong Desyembre 28, 2022.
Giila sa Mati City CDRRMO ang biktima nga si Roberto Ampo, 52 anyos. Diin natabunan usab sa dako nga bato ang patay’ng lawas niini dihang narekober sa mga residente.
Sa karon gihunong una ang retrieval operation gumikan sa kahumok sa yuta sa landslide area ug ang nasinatiang pag-ulan sa lugar. Nabalaka ang otoridad nga basin og duna na usab laing hugna sa landslide nga mahitabo.
