DAVAO CITY – Menor de edad nga rebelde ang napatay sa mga tinugyanan sa balaod sa pakigsangka kanila sa mga rebeldeng New People’s Army (NPA) niadtong Dominggo sa kaadlawon sa Sitio Bajada, Paradise Embac, Paquibato District, ning dakbayan sa Davao.
Naila ang napatay nga usa ka John Paul Sato Kia Cabasi, alyas Joshua, residente sa Sitio Quarry, Barangay Malabog, Paquibato District.
Giila si Cabasi sa iyang ig-agaw nga usa ka Arden Garcia, ug gikompirma nga sakop kini sa kalihukan sa mga rebelde.
Ang patay nga lawas sa biktima gi-turnover sa wala maila nga mga kalalakin-an ngadto sa Barangay Kapitan sa Paradise Embac kagahapon sa buntag.
Kahinumduman nga nagkasangka ang tropa sa kagamhanan ug mga rebelde human gi-respondehan sa kasundalohan ang report sa presensya sa mga rebelde sa Sitio Bajada, Barangay Paradise Embac.
