DAVAO CITY – Gihaya na ang minatay sa Dabawenya Artist nga si Bree Jonson sa usa ka punerarya ngari sa Dakbayan sa Davao. Niabot kagahapon sa buntag ang iyang minatay gikan sa Maynila, diin una siya gihaya.
Kahinumduman nga nakaplagang wala nay kinabuhi si Jonson sulod sa usa ka kwarto sa resort sa La Union.
Nagatuo usab ang inahan ni Bree nga adunay kalambigitan ang boyfriend niini nga si Julian Ongpin sa kamatayon sa iyang anak, bisan pa man nga subay sa inisyal nga autopsy, wala kuno nakit-ang marka sa lawas ni Bree nga magpamatuod nga dunay physical altercation, ug asphyxia ang gikamatyan niini.
Nagpositibo usab ang urine sample ni Bree sa cocaine.
Sa haya sa Maynila, gikanayon usab sa iyang inahan nga kung dili man makulong si Ongpin sa alegasyong pagpatay sa iyang anak, makulong unta kini tungod sa iligal nga droga.
Mao usab ang nakapasikop kang Ongpin, apan gibuhian kini gilayon subay sa desisyon sa Prosecutor’s Office sa La Union.
Magpahiyagon usab og re-autopsy ang National Bureau of Investigation aron matino ang tinood nga hinungdan sa nahitabo kang Jonson.
Nagapadayon usab ang imbestigasyon sa kapulisan kalabot sa kalambigitan ni Ongpin, kinsa ulahing kauban ni Jonson ayha kini nakabsan sa kinabuhi.
