Nakaplagan nga walay kinabuhi ang usa ka babaye sa hilit nga bahin sa Sitio Hylander, Barangay Baylo, Monkayo, Davao de Oro niadtong miaging adlaw. Dali nga mitubag ang mga personahe sa Monkayo Municipal Disaster Risk Reduction Management Office ug kapulisan human makadawat og taho gikan sa mga residente sa maong lugar.
Gikumpirma sa otoridad nga ang biktima mao si Brenda, usa ka lumulupyo sa Barangay Baylo, nga gi-report nga nawagtang niadtong miaging adlaw. Sa inisyal nga imbestigasyon sa Monkayo Municipal Police Station, wala silay nakita nga timailhan sa kalapasan o foul play. Gituohang posible nga kainit sa panahon ang hinungdan sa kamatayon sa biktima.
Samtang, gidala dayon ang patay’ng lawas sa Municipal Health Office aron ipailawom sa eksaminasyon sa doktor aron masayran ang tinuod nga hinungdan sa iyang kamatayon. Nagpadayon pa usab ang imbestigasyon sa mga otoridad aron makuha ang kumpletong detalye sa maong panghitabo.
