DAVAO CITY – Human ang ilang nahimong panawagan nga pangkuhaon na ang mga patay’ng lawas sa mga pasyente nga anaa sa morgue sa Southern Philippines Medical Center (SPMC), hinay-hinay na kini nga gipang-claim sa ilang mga kabanay.
Kahinumduman nga una ng nagproblema ang ospital human nga okupado na ang ilang morgue gumikan sa mga patay’ng lawas sa pasyente.
Hinuon gibutyag ni SPMC officer-in-charge Dr. Ricardo Audan nga nakuha na ang mga patay’ng lawas ug nadugay ang pag-claim niini sanglit ang mga kabanay sa pasyente ang una na sab nga nagpositibo sa virus ug kinahanglan pa nila nga mopailalom sa quarantine.
Samtang miabot na matud pa karon sa hospital ang “cadaver van” alang sa mga Covid-19 cadavers nga dili na mamahimong ipahimutang sa morgue sa hospital diin mamahimo sumala pa kini nga makaakomodar ug hangtud 15 ka mga patay’ng lawas.
