Na-recover sa mga technical diver sa Philippine Coast Guard (PCG) ang duha pa ka lawas atol sa ginapahigayon nga underwater operations gahapong adlawa, kabahin sa insidente sa MV Trisha Kerstin 3.
Tungod niini, nisaka na sa 64 ang kinatibuk-ang gidaghanon sa mga namatay, samtang 293 ang naluwas ug 15 pa gihapon ang nangawala.
Sumala sa PCG, ang datos gi-verify pinasikad sa kooperasyon sa Philippine National Police-Scene of the Crime Operatives, City Disaster Risk Reduction and Management Office, Coast Guard District Southwestern Mindanao, ug sa mga apektadong pamilya nga adlaw-adlaw nga nakigkooperar sa inter-agency search and rescue authorities.
Nagpadayon gihapon ang ginapahigayon nga search and retrieval operations sa lugar nga nahitabuan.
