Narekober sa mga Philippine Coast Guard divers ang tulo pa ka patay nga lawas gikan sa naunlod nga MV Trisha Kerstin 3 sa kadagatan duol sa Baluk-Baluk Island, kagahapong adlawa.
Tungod niini, mokabat na sa 57 ang gidaghanon sa mga namatay, samtang 293 ang na-rescue ug 22 pa gihapon ang na-missing. Gibutyag sa PCG nga ang opisyal nga ihap gikan sa koordinasyon sa PNP-SOCO, CDRRMO, Coast Guard District Southwestern Mindanao, ug mga pamilya sa biktima.
Samtang nagpadayon pa gihapon ang imbestigasyon, diin nagpasaka na og kaso ang Department of Transportation batok sa tulo ka mga opisyal sa Maritime Industry Authority (MARINA) tungod sa pag-isyu sa safety certificates sa barko.
Posibleng overloading ang usa sa mga hinungdan sa trahedya. Giaprubahan na usab ang kanselasyon sa Certificate of Public Convenience sa Aleson Shipping Lines, nga kasamtangang suspendido ang operasyon samtang nagpadayon ang imbestigasyon.
