Misaka na sa 22 ka mga tawo ang ihap sa mga namatay sa pagdahili sa Binaliw landfill sa Cebu City.
Sumala sa report sa mga otoridad, nakaplagan ang patay nga lawas sa usa ka babae ug usa ka lalaki kagainang buntag, Enero 15, alas-6:30 ug alas-6:51.
Gawas sa mga nakalas nga kinabuhi, 18 ka mga tawo ang naagol ug kasamtangang gitambalan sa nagkadaiyang ospital sa Cebu.
Samtang, 14 pa ang nagpabilin nga na-missing ug padayon nga gipangita sa mga rescuer.Nagpadayon ang search and retrieval operations sa Cebu City Disaster Risk Reduction and Management Office (CCDRRMO) kauban ang Philippine Coast Guard, Bureau of Fire Protection, ug mga volunteer groups.
Sumala sa Department of Environment and Natural Resources (DENR), andam sila nga mohatag og tabang ug magpatuman sa mga lakang aron matabangan ang mga naapektuhan sa insidente.
Dugang pa sa ahensya, sutaon nila ang kahimtang sa landfill aron masiguro nga dili mausab ang susamang trahedya. Samtang, naghatag na usab og tabang ang operator sa landfill sa mga pamilya sa mga biktima ug sa mga rescuer nga padayon nga nagpahigayon og operasyon.
Gikabalak-an usab nga madugangan ang basura sa Cebu sa mga mosunod nga adlaw ilabi na nga nagkaduol ang Sinulog Festival, hinungdan nga nanawagan ang lokal nga kagamhanan sa dugang suporta gikan sa nasudnong ahensya.
