Nagdali ang mga residente sa pagpangita og mga naluwas sa mga naguba nga mga building, samtang padayon ang mga aftershocks nga mitay-og sa siyudad sa Mandalay, duha ka adlaw human sa kusog nga linog nga nakahatod sa kapin 1,700 ka mga tawo sa Myanmar.
Kahinumduman nga nabati ang 7.7 magnitude nga linog duol sa siyudad sa Mandalay sa Myanmar niadtong Biyernes sa hapon, Marso 28, ug gisundan kini sa usa ka 6.7 magnitude nga aftershock pipila lamang ka minuto human sa kusog nga linog.
Tungod niini, nangayo og tabang si Junta chief Min Aung Hlaing niadtong Biyernes sa nagkadaiyang mga nasud alang sa dali nga pagbangon sa nasud.
Apan gibaliwala kini sa mga military governments bisan pa sa dakong katalagman nga ilahang giatubang.
Samtang sa ling bahin, nagpahigayon usab og operasyon ang Thailand sa mga operasyon sa Bangkok aron masalbar ang mga survivor nga na-trap sa sulod sa usa ka 30-story nga skyscraper nga nahugno human sa kusog nga linog.
