Misaka na sa kapin 1002 ka mga tawo ang namatay ug kapin 2000 ang nasamdan ug 30 ang missing human sa pagtay-og sa magnitude 7.7 nga linog sa Myanmar. Samtang sa Bangkok, Thailand, lima ang namatay ug 117 ang nawala.
Kahinumduman nga nahitabo ang linog dakong alas-12:50 sa udto sa Myanmar.
Nanawagan ang Amnesty International sa ruling military junta sa Myanmar nga tugotan ang pagsulod sa humanitarian aid sa tanang lugar nga naapektuhan sa linog. Samtang gikanayon usab sa US Geological survey nga posibling moabot sa 10,000 ka mga indibidwal ang nakabsan sa kinabuhi tungod sa nahitabong pagtay-og nga gisundan sa mga aftershocks nga ang labing kusog anaa sa 6.4 magnitude.
Samtang nagdeklara na usab og State of Emergency ang Thailand ug Myanmar nga ning panahuna nangayo kini og tabang sa International Community.
