Patay sa baha sa Vietnam, misaka na sa 51

Miabot na sa 51 ka mga tawo ang namatay tungod sa grabeng pag-ulan ug pagbaha sa central Vietnam.

Tungod sa pipila ka adlaw nga walay hunong nga pag-ulan, nalunupan ang kapin 52,000 ka mga panimalay, ug siyam ka tawo ang gi-report nga nawala.

Kapin tunga sa milyon nga mga panimalay ug establisemento usab ang nawad-an og suplay sa kuryente.

Gikan pa niadtong Enero hangtod Oktubre, miabot na sa kapin $2 bilyon ang kadaut nga gidala sa kusog nga mga bagyong miigo sa maong nasud nga una na nga miagi sa Pilipinas.