DAVAO CITY – Gipahigayon ang deboning kagahapong adlawa sa nakaplagang sperm whale sa baybayon sa usa ka barangay sa probensiya sa Davao de Oro.
Ang nahisgutang lakang ang pangunahan sa Davao Museum ug sa Municipal Disaster Risk Reduction Management Office (MDRRM). Kahinumduman nga nakaplagan nga patay ang nahisgutang sperm whale sa baybayon sa Sitio Sakalig, Barangay Sugal, Jose Abad Santos sa probensiya sa Davao occidental niadtong Mayo 21, 2022.
Sumala sa Department of Environment and Natural Resources sa DENR 11 duha ka mga mananagat ang nakadiskobre sa nahisgutang patay nga sperm whale nga hinanali usab nga gireport sa barangay.
Samtang ang barangay ang nakiglambigit usab silayon sa Department of Environment and Natural Resources (DENR-XI) pinaagi sa Provincial Environment and Natural Resources Office (PENRO) Davao Occidental ug sa Municipal Environment and Natural Resources Office (MENRO).
Ang nahisgutang sperm whale ang adunay gitas-ong 60 feet ug 9 feet usab angg gilapdon niini kung diin adunay daghang mga samad sa kalawasan sa dihang nakaplagan.
Hinanali usab nga gimando ni DENR 11 Regional Executive Director Bagani Fidel A. Evasco ngadto sa sa PENRO Davao Occidental nga makiglambit sa mga eksperto sa marine biology.
