Nakaplagan ang usa ka patay nga lawas sa usa ka lalaki sa Davao river sa Brgy. 76-A, Davao City kaganihang buntag.
Subay sa report gikan sa San Pedro PNP, una na niining nadawat ang report gikan sa nahisgutang lugar kabahin sa nagbuy-od nga patay’ng lawas nga anaa na sa daplin midagsa.
Sa gihimong pagpanubay sa kapulisan, ang biktima nakasuot og brown nga sinina, nakamaong og pantalon ug adunay gisapaw nga shorts nga kolor pula.
Sa pagkaron, padayon nga ginasubay sa mga otoridad ang pagkatawo sa biktima nga gibana-banaan nga anaa sa pangidaron nga 20-25 anyos.
Nasayran nga una kining nakit-an sa mga nag-jogging sa dike sa St. John, 12-B Barangay 76-A Bucana, pasado alas singko kagaihang buntag.
Nanawagan usab karon ang kapulisan sa mga kabanay nga nawad-an og mahal sa kinabuhi nga makig-alayon sa ilahang buhatan sanglit walay nakaila niini nga mga residente sa nasampit nga lugar.
