Gikatakdang imbitahan sa Senado ang kakunsabo ni Kingdom of Jesus Christ (KOJC) leader Apollo Quiboloy sa mosunod nga pagdungog ang kakunsabo niini sa human trafficking case sa Estados Unidos.
Reaksyon kini ni Senador Risa Hontiveros homan mi-angkon si Marissa Duenas, usa sa dugay nang gisaligang administrador sa KOJC nga muoyon sa plea deal sa US Attorney’s Office alang sa Central District of California.
Dugang gipahayag sa Senadora, sa sulod ug gawas sa nasud nagkaduol na ang adlaw sa pagkab-ot sa hustisya sa mga biktima sa krimen ni Apollo Quiboloy.
Matod pa niini, dakong tabang ang gihimo ni Duenas aron patubagon si Quiboloy sa tanang kaso sa sexual abuse ug qualified human trafficking.
Hinungdan giawhag niini ang uban pang akusado nga mutabang sa awtoridad ug ibutyag ang kamatuoran aron maangkon ang hustisya sa mga biktima.
Gipangayo usab sa Senadora sa Department of Justice nga hatagan ug legal assistance ang bisan si kinsang mutabang sa pagpangita ug hustisya sa mga biktima.
