DAVAO CITY – Nagpadayag si Kingdom of Jesus Christ Pastor Apollo C. Quiboloy nga kung ang mga mokandidato sa mas taas nga posisyon sa gobyerno ang walay katakos nga dumalaon ang nahisgutan nga posisyon, mapugos sumala pa siya nga magpapili sa eleksiyon.
Tipik lamang kini sa ulahing pagdeklara ni Sen. Manny Pacquiao nga mokandidato sa Pagka-Pangulo sa 2022 National and Local elections.
Sumala pa kang Quiboloy nga kung sama sa Senador ang mmahimong Pangulo sa nasod, mapugos matud pa siya nga magpapili ug posisyon sa gobyerno. Gitataw sab niini nga wala pa gihapon niya gitapos ang iyang hagit kang Sen. Pacquiao nga mag-debate ug posibleng mahitabo na kini ibabaw sa entablado.
Gikanayon sab ni Quiboloy nga kung itugot sa labaw’ng makagagahom, posibleng moduso siya ug Certificate of Candidacy (COC) sa mosunod nga bulan.
Iya sumala pang babagan kadtong mga indibidwal ang mga kandidato nga higala sa komunistang grupo ingon man kadtong walay katakos nga dumalaon ang taan nga posisyon sa gobyerno.
Aduna sumala pay katakos si Pastor Quiboloy nga mokandidato bisan nga wala siyay partido nga gikalambigitan gumikan kay nagtoo siya nga ang labaw’ng makagagahum ang iyang mamahimong ka-partido.
Nanghinaut na lamang ang nahisgutan nga dili siya ideklara nga nuisance candidate gumikan kay aduna sab sumala pa siyay katakos.
