Gitugutan sa Pasig City Regional Trial Court si Kingdom of Jesus Christ (KOJC) Founder Pastor Apollo Quiboloy ug ang lima pa ka mga kaubanang akusado nga mutambong karung adlawa Oktubre 23, alang sa padayon nga ginahimong imbestigasyon sa Senado, labot sa mga kasong ginaatubang niini.
Gipakita usab ni Senate Deputy Minority Leader Risa Hontiveros ang maong kopya sa kamanduan nga gipaguwa sa Pasig RTC Branch 159, diin gihatagan kinig kahigayunan ang Senate Committee aron nga makatambong si Pastor Quiboloy ug ang mga kaubanan pa niini sa legislative investigation.
Nunot pa man sa wala pag-uyon sa kampo ni Pastor Quiboloy diin maoy hangyo sa Senado, gikanayon sab sa Korte nga wala sab mibabag ang Philippine National Police ug ang state prosecutors alang sa pagtambong sa maong pastor sa Senate inquiry.
Gawas kang Quiboloy, mutambong sab ang mga kaubanan niini sa maong pagdungog, nga mao sila Jackielyn Roy, Cresente Canada alyas Enteng, Ingrid Canada, Paulene Canada, ug si Sylvia Cemanes.
