Pastor Quiboloy dili na patulan ang mga patutsada ni Senator Hontiveros

Dili na matud pa patulan ni Pastor Apollo Quiboloy ang mga patutsada ni Senador Risa Hontiveros.

Gibutyag ni Atty. Israelito Torreon ang KOJC Legal Counsel nga usa lamang ang nahimong sugo ni Pastor Quiboloy ngadto kaniya, mao ang dili na matud pa patulan ang nasampit nga senador gumikan makahatag sa matud pa kini ug kasamok ug pagkawatak-watak sa mga tao.

Wala matud pa nasuko o nalain si Pastor Quiboloy ngadto sa Senadora, apan kinahanglan aduna gihapon silay buhaton nga mga lakang batok kang Hontiveros aron matagaan kini ug leksyon.

Giklaro sab ni Torreon nga usa lamang ka tao ang nagpasaka ug kaso batok sa nasampit nga Pastor, sukwahi sa ginainsister ni Hontiveros nga “mga biktima.”