DAVAO CITY – Andam sumala pa si Kingdom of Jesus Christ Pastor Apollo Quiboloy nga atubangon si Sen. Manny Pacquiao sa usa ka debate kalabot sa nahimong akusasyon niini batok kang Senator Manny Pacquiao partikular na ang pagtukod sumala pa niini ug kuwestiyonable nga proyekto sa Sarangani nga nagkantidad ug kapin P3 bilyones ka pesos.
Kahinumduman nga una ng gibutyag ni Sen. Pacquiao nga andam siya nga moduso ug kaso batok kang Quiboloy ug gitawag pa niini nga peke nga pastor ang nahisgutan.
Sa bahin ni Pastor Quiboloy nasabtan sumala pa niya ang gikanayong sunod-sunod nga kapildihan ni Pacquiao nga usa sumala pa ka karma ngadto sa opisyal.
Isip usa ka piniling opisyal sa gobyerno angayan lamang sumala pa nga tubagon sab ni Sen. Pacquiao ang mga pangutana kaniya nga adunay kalabutan sa interes sa publiko inay nga atakehon sumala pa ug personal ang pastor.
Gikanayon sab ni Quibuloy nga andam niya nga atubangon si Pacquiao alang sa usa ka debate ug mopili lamang kini ug lugar kung asa niya buot nga ipahigayon.
Una niini, milatag ug tulo ka isyu ang pastor nga mamahimo sumala pa nila nga debatehan ug kini gilangkuban sa ma-anomalyang proyekto sa senador sa Sarangani nga siya ang author, pamatud-an ni Sen. Pacquiao nga dili siya bakakon ug ang pagtawag niini kang Quiboloy nga usa ka peke nga pastor.
Gikanayon sab ni Pastor Quiboloy nga andam niya nga atubangon ang kaso nga iduso ni Pacquiao ug wala sumala pa siya nahadlok ilabi na nga pipila ka higayon na matud pa siya nga nag-atubang ug mga bug-at nga kaso sulod sa kapin 30 ka tuig dili lamang dinhi sa nasod kung lakip na sa langyaw’ng dapit apan susama niya kini nga nadaugan.
Kahinumduman nga usa si Pastor Quiboloy sa mga suod nga higala ni Pangulong Rodrigo Duterte.
