DAVAO CITY – Molungtad hangtud sa pagkahuman sa summer ang gipahimutang nga Passenger Assistance Center sa Philippine coastguard sa Sta. Ana Wharf ning dakbayan sa Davao.
Nag-unang katuyuan sumala pa niini nga makabiyahe ug luwas ang pasahero patabok sa Island Garden City of Samal ilabi na karung panahon sa Semana Santa diin laoman ang pagdagsa sa mga lokal ug langyawng turista.
Kalakip sab sumala pa sa maong lakang ang Coast guard isip kabahin sa ilang Oplan ligtas biyahe diin gitutukan sab nila ang pagsulat sa mga pangalan sa pasahero ngadto sa manepisto nga mahinungdanon alang sa insurance sa mga nahisgutan.
Laraw sab sumala pa sa Passenger Assistance Center mao ang pagdawat sa mga reklamo sa pasahero ilabi na kung sobra ang karga sa mga sakyanang pandagat nga motabok sa pikas isla ingon man kung mitamud kini sa mga regulasyon ug polisiya sa Marina.
