DAVAO CITY – Gipagawas karon sa Davao City Police Office (DCPO) ang initial security measures ug protocols nga ipatuman atol sa oath-taking ceremony ni Vice President-elect Davao City Mayor Sara Duterte sa San Pedro Square sa Hunyo 19, 2022.
Ang security procedures ang gilangkuban sa traffic ug police measures, sama na lamang sa mandatory security protocols nga angayang sundon sa mga tawo nga nagplano sa pagtambo sa maong kalihukan nga gilaumang dagsaon sa dul-an 20 mil ka mga katawhan.
Gikanayon ni DCPO Spokesperson, Major Ma. Teresita Gaspan, ang preliminary security measures ang subay sa nagpadayong coordinating conferences alang sa nahisgutang kalihukan.
Hinuon, aduna pay mga posibilidad nga ma-usab ang mga final details niini, apan gikanayon ni Gaspan nga ang tanang mga dalan nga nagpalibot sa san pedro street ang serhan ug dili una paagian sa mga sakyanan sa June 16, 2022.
Mopakatag ang DCPO ug 2 mil ka mga police officers diin pipila niini ang ipakatag uskaa adlaw una ang event aron mohatag ug seguridad sa lugar ug motabang sa preparasyon alang sa ceremonya.
Dugang pa ni Gaspan nga gawasnon usab nga makapahigayon ug lihok protesta ang mga progrisibong grupo sa maong adlaw , apan kinahanglan nga dili kini magmugna ug kaguliyang ug labaw sa tanan kinahanglan nga mokuha sila ug permit.
