Gitugutan sa Pasig City Regional Trial Court Branch 159 ang motion ni Kingdom of Jesus Christ Pastor Apollo Quiboloy nga magpabilin sa hospital samtang nagpaayo pa kini sa pneumonia.
Gipahayag ni Atty. Israelito Torreon ang abogado ni Quiboloy, nga gihulat pa nila ang findings sa hospital sa mga test kang Quiboloy kung hangtod kanus-a kini magpabilin sa hospital.
Gitugyan na usab nila ang desisyon sa korte lakip na ang dekorasyon sa iyahang doktor sa pagpabilin niini sa hospital.
Gimando usab sa korte nga ibalhin na lamang kini sa Pasig General Hospital gikan sa Medical City.
Gipahayag usab ni Atty. Torreon nga mao nagkasakit si Quiboloy gumikan sa dili maayong ventilation sa Pasig City Jail ilabi na nga nagka-edad na ug 74 anyos ang lider sa KOJC.
Kahinumduman nga niadtong bulan sa Nobyembre, gidala sa hospital si Quiboloy gumikan sa abnormal nga pagpitik sa iyahang kasing-kasing ug ang mouth infection sa iyahang dental implants.
Nag-atubang sa kasong human trafficking si Pastor Quiboloy sa Pasig City Trial Court ug niadtong Enero 18, gidala kini sa hospital homan nakasinati ug pneumonia.
