DAVAO CITY- Pagatukuran og ‘Tourist Rest Stop’ ang Island Garden City of Samal ug magsilbi kining information ug pasalubong center nga nagbaton usab og limpyo nga mga restrooms.
Ang nahisgutang proyekto ang nalakip sa napulo ka mga rest and shop areas nga pagatukoron sa Department of Tourism (DOT) latas sa tibouk nasud.
Ginalantaw ang pagtukod sa maong Pasalubong Center nga usa ka maayong lakang aron makatabang sa pagpromotar sa mga lokal nga produkto ingon man mga native products.
Magserbisyo sab kini sa mga travelers isip hinanali nga accommodation, information, safety and security.
Subay niini, gipahayag ni DOT XI Director Tanya Rabat Tan nga ang nahisgutang Rest Stop planong itukod sa Pinaplata, Samal ug aduna sab pagatukuron sa Bukidnon.
Via || Bombo Rico Salva
