Gibalhog sa selda sa kpulisan ang usa ka reteradong sundalo human nga nakuhaan og armas samtang sakay sa Bus.
Subay sa report sa kapulisan, pasado alas 3:40 sa hapon, nadawat sa Bansalan Municipal Police Station hotline ang tawag gikan sa PTOC (Provincial Tactical Operating Center) sa Davao del Sur nga adunay lalaki nga na-aresto sa Barangay Kinuskusan, Boundary Checkpoint, tungod sa Illegal Possession of Firearms.
Dali dayon mibisita ang personnel sa Bansalan MPS sa maong lugar aron i-verify ang report. Pag-abot samaong lugar, gihimo dayon sa responding team ang initial investigation.
Base sa pahayag sa bus conductor sa Metro Shuttle Bus, siya ug ang lalaki nga passenger nga nailhan nga alias “Nestor,” 62 anyos, minyo, retired Philippine Army (PA), ug residente sa Purok Avocado, Barangay Kinuskusan, Bansalan, Davao del Sur, nagkalalis tungod sa bayad sa plite sa bus.
Ang suspetsado nangayo sa conductor nga mag-isyu og ticket, ug sa dihang gibuksan niya ang iyang sling bag aron kuhaon ang pipila ka coins, nakita sa conductor ang usa ka short firearm nga giingong .45 caliber pistol.
Tungod sa kahadlok, dali dayon nga gihawiran ug gibabagan sa conductor ang suspetsado.
Human niini, misakay ang bus conductor sa pedicab ug gidala ang armas nga giingong .45 caliber pistol nga walay bala sa magazine ngadto sa pinakaduol nga police border checkpoint sa Barangay Kinuskusan, Bansalan.
Gisundan sa bus driver ang conductor ug mihunong sa border checkpoint. Pagkahuman, misaka ang suspetsado gikan sa bus ug miduol sa maong checkpoint diin positibo siya nga na-identify sa conductor.
Si P/Corporal Floyd G. Gabutero, nga assigned sa RMFB 11 Border Checkpoint, dali dayong gi-aresto ang suspetsado.
Sunod niini, boluntaryo nga gihatag sa suspetsado ang magazine nga naglangkob og pito (7) ka live ammunitions.
