Dungan sa pagsalmot sa mga atletang pinoy sa 2024 Paris Olympics, mao usab ang ika-100 ka tuig gikan sa unang pag-apil sa nasud Pilipinas.
Gumikan niini, nahimong mas mahinungdanon ang maong adlaw ug nakatampo pa og dugang kusog ngadto sa mga atleta nga pagabuhaton gayud ang ilang best atol sa mga dula.
Sa maong opening ceremony, mapasigarbohong gisout sa mga atletang pinoy ang SINAG barong tagalog uniforms nga ginama ni Francis Libiran.
Present sa maong event ang pipila ka mga iladong indibidwal susama na lamang ni Lady Gaga nga maoy nikanta sa pagsugod.
Kabahin niini, ubay-ubay ka mga Filipino fans ang excited ug malaumon sa madaog nga pag-ila sa Pilipinas.
Unang mosalmot sa Mens Artistic Gymnastics karong adlawa si Carlo Yulo, Eumir Marcial sa Mens 80kg ug Joanie Delgaco sa Womens Single Sculls, rason nga nanawagan kini og pag-ampo sa katawhang Pilipino.
Sa pikas bahin, dili mabaliwala ang tanang paningkamot ug sakripisyo sa 22 members team Philippines nga makakuha ug gold medal sa 2024 Olympic Games sa Paris, France.
Ubos sa Republic Act 10699 o ang The National Athletes and Coaches Benefits and Incentives Act, ang usa ka Olympic gold medalist ang makadawat ug P10 milyon nga cash incentive.
Samtang ang mga midaug sa silver ug bronze medal, ang makadawat usab ug P5 milyon ug P2 milyon nga bonus.
Sa dihang naangkon ni Hidilyn Diaz ang pinakaunang Olympic gold sa 2021 Tokyo Games, nakadawat kini ug P10 milyon gawas pa sa P5 milyon gikan sa Philippine Sports Commission (PSC) subay sa Republic Act 10699.
Gikabutyag nga halos mukabat sa P57 milyon ang nakuhang insentibo sa nahisgutan nga taga-Zamboanga City gikan sa mga sports patrons susama kang Manny Pangilinan sa MVP sports foundation ug Ramon Ang sa SMC.
Midawat usab ug cash incentives sila si Tokyo Olympics silver medalists Nesthy Petecio ug Carlo Paalam ug bronze medal winner Eumir Felix Marcial sa boxing.
