DAVAO CITY – Gipanghatag sa 10th Infantry “Agila” Division sa Philippine Army ang kinse ka mga XR150 nga mga motorsiklo ngadto sa Paquibato Peace Builders atol sa Blessing and Turnover Ceremony nga gipahigayon sa Barangay Dalisay, Panabo City, davao del Norte sa miaging adlaw.
Matud pa sa kasundaluhan, makatabang ang mga motorsiklo ilabi na sa syento baynte ka mga myembro sa grupo gikan sa trese ka mga barangay sa Paquibato District aron pagbuhat sa mga tukmang responsibilidad sa pagbaton ug kalinaw sa Davao City.
Ang Paquibato Peace Builders, gilangkuban sa mga kanhi myembro sa mga counter terrorrist groups nga gibansay aron mapanalipdan ang ilang mga katilingban kontra sa mga rebelde ug pagpromotar sa mga programang pang-kalinaw sa lokal nga panggamhanan sa dakbayan.
Gipaniguro ni Peace 911 Focal Person Atty. Jonah Margarette F. Presto nga magpabilin ang gobyerno alang sa mga kanhi rebelde nga hingpit nang mitahan sa gobyerno.
Samtang gidayeg sab ni 10ID Commander Major General Nolasco A. Mempin ang City Government of Davao, ug mga myembro sa 10IB sa Philippine Army sa pagpanguna sa mga counterinsurgency campaigns alang sa hingpit nga kalinaw diri sa dakbayan.
via || Bombo LJ Florendo
