PAP mihangyo sa gobyerno sa pag-gamit sa natural gas sa nasud

Gihangyo sa Petroleum Association of the Philippines (PAP) nga hatagan og dakong pagtagad sa gobyerno ang pagpalambo sa paggamit sa natural gas, tungod sa hulga sa pagsaka sa bayranan sa kuryente nga posibleng ihatod sa nagpadayon nga krisis sa Tungang Sidlakan.

Sumala ni PAP chairperson Donnabel Kuizon Cruz, ang mga natural gas nga ginaproduce sulod sa nasud makatabang sa pagkunhod sa panginahanglanon sa Pilipinas sa mga imported fuels.

Tungod niini, posible usab nga makamenos sa galastuhan sa mga konsumante.

Gipasabot usab niini nga adunay kapasidad ang gobyerno nga makig-istorya sa mga power generation companies aron makatabang sa pagpamenos sa presyo sa kuryente.