Pantalan sa Malalag palambuon subay sa BIMP-EAGA standard

DAVAO CITY – Giduaw sa mga kongresista nga sakop sa Special Committee On BIMP-EAGA aron nga susihon ang kahimtang sa pantalan sa Malalag, Davao del Sur.

Sumala pa kang Malalag Mayor Peter Baltan nga tumong niini nga mas mapalambo pa ang nahisgutan nga pantalan.

Kini ang nahimong lakang sa kagamhanang lokal sa Malalag sa tumong ug tuyo nga ma-andam kini alang sa pagpalig-on sa kutay sa nasod sa natad sa transportasyon gamit ang kadagatan.

Duna sumala pa’y gigahin nga dosentos milyones ka pesos alang sa pagpalambo sa pantalan sa Malalag aron nga maluagan ang pantalan sa dakbayan sa Davao.

Kini gumikan kay kung mahinayon ang maayong kutay sa BIMP-EAGA posibling mas hingusgan ang paggamit sa kadagatan alang sa natad sa pamatigayon.