DAVAO CITY – Gibisita ni Pangulong Rodrigo Duterte kagabii ang lubnganan sa iyang inahan nga si Nanay Soling atol sa unom nga tuig nga kasumaran sa kamatayon niini sa Roman Catholic Public Cemetery ning dakbayan.
Mihalad ug bulak ug nagdagkot ug kandila ang pangulo sa lubong sa iyang inahan asa tapad usab sa lubnganan sa amahan niini.
Kahinumduman nga pila na usab ka higayon nga gibutyag sa pangulo sa publiko kung sa unsa siya gina disiplina sa iyang inahan pinaagi sa pagpaluhod sa monggos ug atubangan sa krus.
Si nanay Soling usab ang nahimong susi sa politikal career ni Pangulong Duterte tungod sa pag appoint niini kaniya isip bise Mayor sa dakbayan niadtong naglingkod pa ang kanhi presidente ug mipanaw na nga si Corazon Aquino.
Kauban usab sa pagbisita sa pangulo si Special Assistant to the President (SAF) Bong Go. Samtang daghan usab ang nagtang sa gawas sa lubong aron nga mutan-aw sa pangulo nga iya usab nga gitugutan.
Wala na usab nagpahinabi pa sa media ang pangulo ug deritso na kining milakaw human ang iyang pag-duaw.
