DAVAO CITY – Gipangunahan ni Pangulong Rodrigo Duterte ang pag-award sa mga units sa Madayaw Residences alas singko kagahapon sa hapon, Hunyo 23, 2022 sa NHA Kadayawan Homes Bangkal, Barangay Talomo ning dakbayan.
Ang Madayaw Residences usa sa “Proyektong Pabahay” ni Pangulong Duterte pinaagi sa Government Employees Housing Program (GEHP) sa National Housing Authority alang sa mga government employees, OFW ug uniformed personnel.
Matud pa sa pangulo, nalipay kini sa gihimo ni National Housing Authority General Manager Marcelino P. Escalada Jr. sa kaanindot sa mga balay.
Dugang sa pangulo nga buot unta niya kining dugangan apan nahuman na ang iyang termino dungan sa panghinaot nga unta ipadayon sa sunod nga administrasyong Marcos ang maong proyekto.
Via || Rico Salva
