Gidakop si kanhi Pangulo Rodrigo Duterte sa mga awtoridad sa Villamor Airbase Airport niadtong Martes base sa mandamiento de aresto nga gipagawas sa International Criminal Court (ICC).
Ang mga pulis mipatuman sa mandamiento sa Ninoy Aquino International Airport samtang si Duterte mipauli sa nasud human sa iyang panagtagbo sa mga Pinoy supporters sa Hong Kong.
Gipangimbestigahan sa ICC si Duterte tungod sa liboan ka mga ginadudahang state-sanctioned killings ilawom sa iyang giyerang kontra droga, nga mahimong maihap nga krimen batok sa katawhan. Apektado usab sa imbestigasyon ang gipasangil nga Davao Death Squad sa dihang mayor pa siya sa Davao City.
Bisan wala pa gibutyag ni ICC Prosecutor Karim Khan ang opisyal nga mandamiento sa pag-aresto kang Duterte, nakakuha ang online news outlet nga Vera Files og kopya sa dokumento nga may petsang Marso 7 ug gitiman-an nga “Secret.”
Matod ni ICC Assistant to Counsel Kristina Conti, nga nagrepresenta sa mga biktima sa drug war, nga kasagaran tinago ang mga ICC arrest warrant.
Samtang giklaro sab ni Pangulong Bongbong Marcos Jr. nga gibuhat lamang sa gobyerno ang ilahang trabaho.
Dugang pa niini nga nahasubay sumala pa ang ilahang gibuhat nga pagpadakop kang FPRRD sa legalidad.
