DAVAO CITY – Subling nanganti si Pangulong Rodrigo Duterte nga pulbuson ang mga rebelde human masayud nga subling nangatake ang mga New People’s Army (NPA) sa tropa sa kagamhanan sa Sitio Quiambao, Barangay Mapula, Paquibato District, ning dakbayan sa Davao.
Patay sa nahisgutan nga engkwentro si 1Lt. Jarin G. Relota, kinsa Commanding Officer sa Bravo Company ubos sa 16th Infantry Battalion sa Philippine Army, samtang samdon sila si Corporal Joshua de Hesus ug Private First Class (PFC) Gerardo Maslang.
Nanganti sab si Duterte nga lotoson sab niini ang mga legal front sa mga NPA. Nasayran nga niadtong Sabado sa hapon miduaw sa haya ni Relota si Davao City Mayor Inday Sara Duterte-Carpio uban ang pipila ka mga opesyal sa kasundalohan.
Miduaw sab siya kanila ni De Hesus ug Maslang aron sa pagtunol sa wounded medal award. Kagahapon sa hapon gidala na sa Antique ang patay nga lawas ni Relota.
