DAVAO CITY – Misuroy kaganinang kaadlawon si Pangulong Rodrigo Duterte sa pipila ka mga barangay sa dakbayan sa Davao diin nanghatag ug pahalipay ug nakighinabi sa mga residente niini.
Kuyog sa pangulong si Secretary Christopher Lawrence “Bong” Tesoro Go. Gisuhid ni Pangulong Duterte ang Barangay 76-A Bucana, ning dakbayan sa Davao.
Daw mibalik sa pagka-mayor ang presidente, diin dugay-dugay na sab nga wala niini mahimo ang direkta nga pagduaw sa mga barangay sa dakbayan aron nga manambag sa mga residente sa kabarangayan sa dakbayan sa milabay nga baynte ka mga katuigan sa dihang nangatungdanan pa kini isip mayor sa dakbayan.
Dunay usay selfie si Bong Go sa nahisgutan nga kalihukan ni Pangulong Duterte kaganinang alas 5:00 ang takna sa kaadlawon.
