DAVAO CITY – Hugot ang gipatuman nga seguridad sa Roman Catholic Cemetery dungan sa pagduaw ni Pangulong Rodrigo Duterte sa lubnganan sa ilang mga ginikanan kagabie.
Sama sa milabay nga mga katuigan, kauban ni Pangulong Pangulong Duterte si Sen. Christopher Bong Go ug Presidential Security Group (PSG) kauban ang iyang common law wife nga si Honeylet Avancena diin naghalad kini ug pag-ampo ug bulak sa lubnganan sa iyang mga mipanaw nga ginikanan nga sila si kanhi Davao Governor Vicente Duterte ug inahan nga si Soledad.
Wala una gipahigayon ang naandan sa Pangulo nga mohatag ug food packs sa mga residente sa lugar dungan sa iyang pagduaw sa lubnganan tungod na sab sa gipatuman nga health protocols.
Gikalipay sab sa mga residente nga subli nila nga nakita ang Pangulo bisan usa ka higayon sa usa ka tuig.
Samtang sa pakighinabi kang Sen. Bong Go, gibutyag niini nga gimando na si Pangulong Duterte ang pag-recall karong taliabot nga Nobyembre 2 kang Philippine Ambassador to Brazil Marichu Mauro nga nahimong treding aron tungod sa mikatag nga CCTV footage niini diin gimaltrato ang iyang kasambahay.
Gipaimbestigahan na sab karon ang nahisgutan nga insidente.
