DAVAO CITY – Mitimbaya ug Father’s day pinaagi sa ilang mga social media accounts sila si Mayor Inday Sara Duterte-Carpio ug Vice Mayor Paulo Duterte sa ilang amahan nga si Pangulong Rodrigo Duterte.
Gipakita ni Davao City Mayor Sara “Inday Sara” Duterte ang hulagway sa iyang amahan kauban ang mga apo uban ang caption nga “Fathers are never perfect, only human.” Gawas sa Pangulo gitimbaya sab niini si Paolo, Baste, iyang bana nga si Mans [Carpio], mga opisyales, kasundalohan, kapulisan, drivers, professors, doctors, lawyers, [Presidential Security Group] ug mga Filipino nga amahan.
Nag-post sab ang Davao City Vice Mayor Paolo “Pulong” Duterte ug pagtimbaya sa Pangulo diin gipakita niini ang graphic picture sa iyang amahan nga nakasuot ug super hero costume lakip na ang iyang igsuon nga si Baste ug bana ni Mayor Inday nga si Mans uban ang caption nga “HAPPY FATHER’S DAY sa akong Superman, SuperBrod Mans Carpio, SuperBai Sebastian “Baste” Duterte (kay cgeg lakbai), sa tanan nga amahan nga anaa dinhi ug anaa sa uban nga nasud.
Nagpasalamat sab ang nahisgutan sa mga gkasundalohan ug kapulisan nga giila niining mga superheroes gumikan kay hangtud karon padayon sumala pa kini nga nag-atubang sa giyera.
Samtang wala sab nag-post sa iyang mensahe sa social media ang ilang igsuon nga si Baste Duterte.
