DAVAO CITY – Subling gibutyag ni Pangulong Rodrigo Duterte-Carpio nga iyang gitambagan si Mayor Inday Sara-Duterte Carpio nga dili kini mokandidato sa pagkapangulo sa nasud sa ipahigayon nga eleksiyon sa mosunod nga tuig.
Kini ang gibutyag sa Pangulon dihang gipangutana kini ni Pastor Apollo Quiboloy. Gikanayon ni Pangulong Duterte nga dihang miuli siya sa dakbayan sa Davao sa milabay nga adlaw, subli niya nga gihinabi si Mayor Inday ug gitambagan nag dili mokandidato isip pangulo sa nasod gumikan sa kalisud sa responsibilidad.
Gitataw sab niini nga puros lamang sumala pa trabaho ang presidente ug gamay ug suweldo ug mamahimong bilyonaryo lamang kung usa kini ka corrupt nga opisyal.
Gawas niini, makadawat sab ug mga nagkadaiyang pagpangdaut sa mga kritiko ug anaa sa oposisyon.
Samtang gikanayon sab ni Pangulong Rodrigo Duterte nga aduna siyay napili nga mamahimong mohulip ug magpadayon sa iyang mga nasugdan apan ibutyag lamang niya kini sa umaabot nga panahon.
