DAVAO CITY – Gibutyag ni Capt. Jerry Lamosao, tigpamaba sa 10th infantry Division (ID) Philippine Army nga dili sila pabor kung magpahigayon ug pangayaw ang mga lumad isip balos sa pagpatay sa usa ka tribal leader ug sa anak niini sa milabay nga adlaw sa Talaingod Davao del Norte.
Matud pa kang Capt. Lamosao nga dili mahuman ang kagubot kung ang nahisgutan nga pamaagi ang himuon sa mga lumad.
Susama sab ang pahayag ni Police Chief Inspector Andrea dela Cerna ang tigpamaba sa Police Regional Office (PRO) 11 gumikan kay daghanang mga inosente ang mapagan sa higayon nga ipahigayon ang pangayaw batok sa mga mga rebelde.
Gipasalig sab sa kapulisan nga kung mahitabo man ang redo nga himuon sa mga lumad, ilang protektahan ang mga inosenteng sibilyan aron lamang dili madamay sa kagubot.
