Gitaho ni Pang. Bongbong Marcos Jr. nga nagpabilin sa kustodiya sa Czech Republic ang pugante sa balaod ug kanhi kongresista nga si Zaldy Co.
Sumala pa sa pangulo nga magpadala sumala pa og high-level coordination team ang nasud aron matutokan ang maong kaso.
Matud pa sa pangulo, nadakpan si Co sa Prague niadtong Abril 16 tungod sa kakulangon sa husto nga travel documents.
Gimanduan usab niini ang Department of Justice (DOJ) ug Department of Foreign Affairs (DFA) nga manguna sa pakig-koordinar sa mga awtoridad sa Czech Republic may kalabotan sa posibleng pagpauli sa nasud ni kanhi Ako Bicol Representative nga si Zaldy Co.
Kahinumduman nga una na usab nga gikumpirma sa kapulisan nga nadakpan si Co samtang pasulod kini sa utlanan sa Germany.
Samtang sa bahin usab sa NBI, gipaklaro niini nga nadakpan si Co gumikan sa kakulangon sa dokumento sa pagbyahe, ug dili kabahin sa red notice.
