Giawhag ni Pang. Marcos ang mga Pilipino nga “molihok nga adunay katuyoan nga pagdali,” nga tugbang sa simbolismo sa Fire Horse sa kaisog ug paglihok sa unahan nga adunay disiplina, kakugi, ug maayong pagdumala.
Sa iyahang mensahe alang sa Chinese New Year, gibutyag ni Marcos ang kamahinungdanon nga adunay direksyon sa matag butang nga mga pagabuhaton sa mga Pilipino.
Dugang pa ni Marcos nga ang panahon usa ka oportunidad alang sa pagbag-o ug adunay katuyoan nga aksyon alang sa mga Pilipino, nga nagtimaan nga kini usa ka higayon aron ipahiangay ang personal, komunidad, ug nasudnon nga mga paningkamot padulong sa kalamboan.
Gikanayon sa Presidente nga samtang ang Kabayo ug Kalayo nagpukaw sa kusog ug kaisog, ang tinuod nga paglambo nagdepende sa maayu nga mga panimalay, produktibo nga mga industriya, ug kasaligan nga serbisyo publiko.
Samtang nagpaabot og mensahe si VP Sara Duterte subay sa selebrasyon sa Chinese New Year karong adlawa.
Sa iyahang mensahe giawhag niini ang tanan nga dawaton ang bag-ong sinugdanan uban ang kaisog ug determinasyon, nga nagpasabot nga ang maong tuig magdala og kusog nga enerhiya ug maisugong nga mga lakang.
