Gimanduan na ni Pangulong Ferdinand Marcos Jr. nga kumpiskahon ang mga helicopter nga gipanag-iyahan sa puganteng si Zaldy Co.
Sa usa ka video message, iyang gisugo ang Department of Transportation (DOTr) ug Civil Aviation Authority of the Philippines (CAAP) nga makiglambigit sa ilang mga counterparts sa Malaysia ug Singapore aron mabalik sa Pilipinas ang maong mga helicopter.
Sumala sa Pangulo, ang mga helicopter nakarehistro pa sa kompanya ni Co nga Misibis Aviation and Development Corporation.
Gibutyag ni Pang.Marcos nga tungod kay adunay freeze order gikan sa AMLC, hugot na nga gidili ang bisan unsang disposisyon o paggamit sa maong mga aircraft.
Gipunting usab sa Pangulo nga kinahanglan masabtan sa mga pugante nga dili sila makagamit sa mga butang nga ilang nakuha gikan sa kwarta sa katawhan.
Mipasidaan siya pag-usab sa mga pugante nga mopauli na sa nasod, kay dili na sila mga turista ug sila gipangita na sa balaod.
Samtang, gikumpirma usab ni Pangulong Marcos nga sumala sa DOJ, miuli si Henry Alcantar₱110 milyon ngadto sa gobyerno, ug sa sulod sa duha ka semana magbalik pa kini og dugang ₱200 milyon.
Gisiguro sa Pangulo sa katawhan nga buhaton sa administrasyon ang tanan aron mabalik sa panudlanan ang kwarta nga gikawat sa mga nalambigit sa flood control anomaly.
