Gipasalig ni PCO Secretary Dave Gomez nga dili pakyason sa gobyerno ang mga miyembro sa INC ug ang katawhang nagapangayo og transparency ug accountability.
Sa usa ka paghinabi, gibutyag ni Secretary Gomez nga nasayud sila sa sentimyento nga gipakita sa INC ug sa daghang mga Pilipino.
Gihisgutan usab niya nga mibutyag si Pang.Marcos Jr. nga sa dili pa moabot ang Pasko, adunay mapriso, masumbong, ug makumpiska ang nakawat nga kwarta sa nasod gikan sa mga nalambigit sa anomalya sa proyekto sa flood control.
Dugang pa ni Secretary Gomez, ayuhon usab ang sistema aron malikayan ang pagbalik sa dagkong kurapsyon sa mga proyekto sa flood control.
Kahinumduman nga nanawagan ang INC og transparency ug accountability sa unang adlaw pa lamang sa ilang duha ka adlaw nga protesta.
