DAVAO CITY – Gibarugan sa Eastern Mindanao Command (EastaMinCom) nga kini na matud pa ang panahon aron nga mobiya ang gobyerno sa negotiating table hangtud nga dili magpakita senseridad ang mga rebeldeng grupo.
Una ng gibutyag ni Brig. Gen. Gilbert Gapay, tigpamaba sa Martial Law in EastMinCom, nga bisan gideklara kaniadto ni Pangulong Rodrigo Duterte-Carpio ang unilateral ceasefire, wala sumala pa nagpakita ug kaayohan ang mga rebeldeng New People’s Army ug padayon ang gilusad nga pagpangatake niini sa mga tropa sa kagamhanan.
Sa kasamtangan, nagpahigayon sumala pa sila ug 16 major operations batok sa mga nagkadaiyang NPA guerrilla fronts sa Eastern Mindanao.
Gibutyag ni Chief Supt. Manuel Gaerlan, director sa Police Regional Office XI, nga tungod sa gihimo sa mga rebelde, tin-aw sumala pa nga nawad-an na ug gana kanila si Pangulong Duterte-Carpio.
Tin-aw sumala pa nga gigamit sa CPP-NDF ang hinabing pangkalinaw aron nga palig-onon lamang ang iyang puwersa.
Gimandoan na sab sa regional police director ang tanan nga mga commanders ug units nga pabiling full alert ug imonitor ang mga posibleng lihok sa mga giilang kalaban sa gobyerno.
Gitataw sab ni Gapay nga mas tutukan nila karon ang ilang intelligence operations batok sa underground mass organizations aron nga matapos ang suporta ngadto sa mga komunistang grupo.
