DAVAO CITY – Nagkasangka ang tropa sa kasundalohan sa kagamhanan ilalaum sa scout platoon sa 28th IB Philippine Army ug mga rebelde New People’s Army sa Sitio Zion, Barangay Kauwagan, Banay-Banay, Davao Oriental.
Milungtad ngadto sa kwarenta y singko minutes ang nahisgutan nga panagsangka apan wala’y gikatala nga samdon o kaha nakabsan sa kinabuhi sa bahin sa tropa sa kagamhanan.
Na-recover human sa panagsangka ang M16 rifle, AK47 rifle, usa ka taas nga magazine alang sa M16 rifle, 123 ka mga bala sa M16, duha ka mga magazine sa AK47, singkwenta ka mga bala sa AK47, Bandolyer, usa ka rifle grenade, IED switch, usa ka gatus ka metro nga electrical wire, transistor radio, Motorola radio, duha ka mga loto-anan, combat boots, baynte singko kilos nga bugas, unom ka mga backpack, tulo ka mga duyan, Butane, kagamitan sa pagpanambal, ug mga sobersibong mga dokumento.
Wala pa masuta sa kasundalohan kung dunay mga samdon o kaha nangamatay sa bahin sa mga rebelde.
