DAVAO DEL SUR – Na-overshoot sa kilid sa kalsada ang usa ka ka Yellow Bus Line sa may dalang Digos-Makar, National Highway sa Purok 3, Barangay Balutakay, Hagonoy, Davao del Sur bandang alas-2:24 sa kaadlawon, Mayo 23.
Subay sa taho sa Hagonoy Municipal Police, nasayran nga nagsubay ang maong sakyanan nga adunay kapin o kulang nga bente (20) ka mga pasahero sa dalan sa Digos-Makar, National Highway sa Barangay Balutakay, Hagonoy, Davao del Sur padulong sa Padada, Davao del Sur dihang pag-abot sa dapit nga nahitaboan, kalit nga nawad-an og kontrol ang drayber tungod sa pag-uwan ug dangog nga kahimtang sa dalan.
Aksidenteng nahagsa ug na-overshoot sa abaga sa karsada ug sa road barrier ang nasangpit nga maong sakyanan.
Hinuon, walay gikatahong nakabsan sa kinabuhi human sa aksidente.
