Pamilyang Manila mapasalamaton sa kapaspas sa pagsulbad sa pagkalugos sa ilang kabanay

DAVAO CITY – Mapasalamaton ang pamilyang Manila sa kapaspas sa paghimo ug aksyon sa Talomo Police Station sa pagpanguna ni PCI Ronald Lao diin na-inquest gilayon kaganinang buntag ang suspek nga si James Barreta Narte.

Sumala pa kang Orden Manila, kamagulangan sa pamilyang Manila nga daku ang ilang pasalamat nga nadakpan ug nakasohan gilayon ang gikatuohang milugos ug nakapatay sa iyng manghod nga si Rea.

Sa pagkakaron nasayran nga daghanan sa ilang mga silingan ug sa mismong Manila ang nagsilbe nga saksi batok sa suspek.

Sa wala pa mabiktima si Rea nasayran nga usa ka babaye sab ang gisitsitan sa suspek apan nakalikay kini ug wala mapanamastamasi sa suspek.

Sa kasamtangan gisalig na lamang sa pamilyang Manila ang kaso sa hukmanan.