DAVAO CITY – Dili na makig-asunto ang pamilya sa 20 anyos nga si John Alfred Amalias nga usa sa duha ka mga biktima sa nahitabong drowning incident sa Barangay Bago Aplaya, Davao City kaniadtong Setyembre 3.
Sumala sa kinamagulangang igsuon ni John Alfred, duna nay verbal agreement tali pamilya ug management sa resort alang sa assistance sa pagpalubong sa ulitawo.
Gikatakdang ihatod na karong adlawa sa ilang balay sa Tandag City, Surigao del Sur ang iyang patayng lawas diin didto na sab kini ilubong.
Gisiguro sab sa management nga hingpit nang nasulbad ang maong krimen maong kinasing-kasing sab nga nagpaabot og pahasubo ngadto sa pamilya ang mga tigdumala sa resort ug dili na nila ibutyag pa ang resulta sa imbestigasyon alang na sab sa privacy sa ilang pamilya.
Gikumpirma sa Davao City Police Office nga walay foul play atol sa insidente.
Hinuon, nagpahibalo sab ang kapulisan ngadto sa management ug mga kliyente niini nga siguraduhong luwas ang mga liguanan aron dili masantop sa susamang panghitabo.
Kahinumdumang dungan sab nga nakabsan sa kinabuhi gumikan sa pagkalumos ang 13-anyos nga si Harvey Prince Momo.
via || Bombo LJF
