DAVAO CITY – Nagpakitabang na ang pamilyang Niemes sa lungsod sa Sta. Cruz, Davao del Sur gumikan sa bahad sa mga biktima sa investment scam nga hutdon sila ug patay.
Nasayran nga usa ka Senior High School Teacher ang usa ka Filipe Niemes nga gipusil-patay samtang sakay sa usa ka tricycle sa lungsod sa Sta. Cruz ang gihaya karon sa usa ka punerarya sa dakbayan sa Digos.
Ang pamilya nga naglamay sa haya napugos sa pagpamauli sa lungsod sa Sta. Cruz human makadawat ug bahad nga hutdon sila ug patay.
Mihangyo na lamang ang pamilya ug escort gikan sa kapolisan sa Digos sa pagpauli nila sa Sta. Cruz.
Gumikan sa nahisgutan nga bahad wala na’y sakop sa pamilya ang mi-atiman sa haya sa magtutudlo ug ang mga soud nga mga higala na lamang niini ang anaa sa punerarya.
Nabalaka na sab ang mga soud nga higala sa biktima nga tingali ug masaypan sila sa mga suspek.
Nasayran nga ang pag-umangko sa biktima Nico Niemes daghanan ug gi-apelan isip agents sa mga investment scam ug daghan ug nahimong biktima.
