DAVAO CITY – Nakasinati na karon ug diskriminasyon ang mga kabanay sa mga namatay gumikan sa diarrhea sa Purok 10 Sitio Balon Brgy Tigatto ning syudad.
Gikanayon ni Angilyn Edica-Umagad sa namatay nga Purok leader nakaabot sa ila ang mga estorya nga dili na sila pasudlon sa mga tindahan aron mamalit ug ilang mga gikinahanglanon ilabi na pagkaon.
Gitin-aw niini nga dili covid 19 ang sakit sa iyang uyuan ug sa uban pang mga biktima hinungdan nga walay igong hinungdan aron nga i-discriminate sila sa katawhan.
Gibasol nila karon ang mga tabi-tabi sa ubang mga tawo nga walay igong sumbanan ug nagpataka lamang sa pagpagawas ug mga estroya hinungdan nga ingon niini ang ilang nasinatian karon.
Inay, nangayo si Angilyn ug igong pagsabot gikan sa ilang mga silingan,mga higala ug labaw sa tanan ilang mga pasyente.
Kini gumikan kay adunay mga residente sa ilang purok nga temporaryong mibiya sa lugar apan wala sumala gidawat sa ilang mga kabanay gumikan sa kahadlok nga matakdan sa sakit.
