DAVAO CITY – Gikabalak-an nga mawagtang na ang kadasig sa mga pamilya nga mokiha pa batok sa kadumalahan sa nasunog nga New City Commercial Center (NCCC) karon nga halos patongpatong na nga mga benepesyo ang ilang nadawat human mangamatay ang 38 ka mga empleyado sa Sampling Survey International (SSI) ug NCCC.
Una nang nasayran nga ipailalum sa emergency employment program sa Department of Labor and Employment (DOLE) ang mga promo dicer ug tenant sa New City Commercial Center (NCCC) mall nga nangawad-an ug trabaho human sa sunog niadtong Desyembre 23.
Mismong si Labor Secretary Bebot Bello III ang mi-anunsyo sa job opportunities, diin makadawat ug P340 pesos nga sweldo matag bulan ang mokabat ngadto sa 2,925 ka mga benipesyaryo niini.
Gipasalig ni Bello nga magpabilin sa emergency employment program ang mga promo dicer sa mall sulod sa usa ka bulan hangtud nga makapangita kini ug permanente nga trabaho. Dugang sa DOLE nga makadawat sab ug P20 mil ka pesos nga financial assistance sa mga nangamatay sa sunog, ug lain pang P30 mil ka pesos nga burial assistance, ug P3,700 ka pesos nga survivor pension.
Nasayran nga giwagtang na sa DOLE ang memorandum of agreement tali sa Philippine Economic Zone Authority (PEZA) hinongdan nga wala na’y katungod ang PEZA sa pag-monitor pag-inspection ug pagpatuman sa occupational safety ug health standard sa mga Business Process Outsourcing (BPO).
