DAVAO CITY – Nag-negatibo na sab karon ang resulta sa gipahigayon nga RDT Test kagahapong adlawa ang pamilya sa 29 anyos nga babaye nga taga Brgy. Dalagdag Calinan ning siyudad nga una ng natadakdan ug Covid-19 human nga miadto sa party.
Kahinumduman nga miuli sa ilang panimalay ang biktima sa milabay nga Hunyo 20 ug natulog kauban ang iyang kabanay hinungdan nga kalakip ang mga nahisgutan sa gipailalom sa test.
Sumala pa kang Dr. Jojit Marbas Calinan District Doctor, gilayon nga gipailalom sa RD test ang pamilya sa pasyente ug migula sa resulta nga negatibo ang mga nahisgutan.
Apan luyo niini, gitambagan pa gihapon ang mga nahisgutan nga motamud pa gihapon sa protocol sama sa pagpailalom sa 14 ka day home quarantine kini aron masiguro nga wala gayud natakdan ang mga nahisgutan.
Kahinumduman nga una na sab nga nagnegatibo ang mga vendor sa palengke nga nakahimamat sab sa pasyente.
