Nangayo ug panabang sa National Bureau of Investigation (NBI) ang pamilya sa mga biktima sa war on drugs aron imbestigahan ang coordinated online harassment campaign batok sa ilaha.
Matod pa sa grupo, nagkagrabe ang pag-ataki sa ilaha homan ang pag-aresto kang kanhi Pangulong Rodrigo Duterte. Gipahayag sa National Union of Peoples’ Lawyers (NUPL) nga nahilakip sa mga nasinati-an sa mga tagtungod sa extra judicial killings ang pagpangataki sa facebook, lakip na ang mga gipang-doktor nga hulagway, mga hinimong estorya ug disinformation aron dauton ang pamilya sa mga biktima ug ang ilahang abogado.
Gipahayag ni NUPL-NCR Secretary General Maria Kristina Conti, nagkagrabe ang pagpangataki sa mga biktima sa EJK homan nagpagawas ug warrant of arrest ang ICC kang Duterte. Adunay mga pagpanghulga usab sa kinabuhi sa mga nakadawat ug pagpanghadlok. Gumikan niini, gipahayag sa pamilya sa mga biktima sa kampanya sa droga, dili sila magpakahilom sa mga pagpangataki kanila.
